مطعم بجة للأكلات الشبعية وفواكه اللحوم والسمين يعني احلي طاجن ورق عنب بالكوارع و احلي فته باللحمه مع طبق السمين المشكل والعيش السخن واديها مترحمهاش ، مطعم بجة أصل السمين في مصر بالطريقة القديمة الأصلية هتاكل عنده أحلى طبق مشكل والسجق باللحمه بنكهته المميزة والجميلة ، وبالرجوع للتقيمات مطعم بجة على فيسبوك لقينا ان تعليقات كتير على إن الاكل بينزل بارد ، ونتمنى من إدارة المطعم تحسين الجودة والإهتمام بالعملاء، وطبعا في تقييمات كتير إيجابية أيضاً عن المطعم ، بجة واخد ريتنج على فيسبوك 4.1 من 5.
السمين طبعاً معروف إنه للأكيلة وأصحاب المزاج في الأكل ، هتلاقي الناس أكيلة السمين والنيفا وأطباق المشكل والكبد بتاكلهم علشان تتبسط ، لدرجة انك هتلاقي ناس بتنزل الساعة 2 بالليل تنزل علشان الأكل ده مخصوص ودايما الاكل الحلوة يتسافرلها بلاد ، بس ده مش معناه انك تعيش علشان تاكل وتشرب ، لكن لازم تبقى متزن في حياتك استمتع بالاكل ولكن دايما امشي بوصية النبى صلى الله عليه وسلم فيما يتعلق بعدم الأكل حتى الشبع .
ليست هناك تعليقات:
إرسال تعليق